Festas e feiras

Na época estival, na que polo regreso dos emigrantes triplícase a poboación, A Veiga é unha continua festa.

Como curiosidade, no mes de agosto non existe un só día no que algún dos pobos non celebre a súa festa.

O concello de A Veiga é moi activo no aspecto cultural, constantemente se están a organizar eventos como excursións guiadas, exposicións de arte popular, mostras de artesanía en vivo, exposicións de pratos típicos e degustacións gastronómicas, entre outras.

A Feira de Caza e Natureza Trevenatio ten un notable éxito de público. Pode obterse máis información sobre estas actividades no teléfono 988 350 233.

FEIRAS

Na capital do concello celébranse tres feiras mensuais os días 9, 17 e 29. (Cando coincide en domingo trasládase ó luns).

OUTRAS FESTAS

Durante o resto do ano temos as seguintes festas:
- 5 de xaneiro: celébrase con gran vistosidade a Cabalgata de Reis.
- Febreiro: festéxase o Entroido, cos tradicionais folións e carrozas, todo envolto en fariña.
- Semana Santa: todos os anos ten lugar o "Viacrucis da Serra" na localidade de Lamalonga. Os seus 14,2 km de recorrido, entre fermosos paisaxes de montaña, convírteno non máis longo de Galicia, e ten unha gran presenza nos medios de comunicación.
- Corpus Christi: coa ancestral tradición das alfombras florais no núcleo de A Veiga.
- Outubro: coa chegada do outono veñen os populares Magostos.