Lagoa de Carrizais

ÁREA DE RECREO: LAGOA DE CARRIZAIS

LOCALIZACIÓN

Provincia: Ourense
Comarca: Valdeorras
Concello: A Veiga
Lugar: Lagoa de Carrizais

ACTIVIDADES
Senderismo, BTT, turismo ornitolóxico, observación de flora e fauna autóctona

ACCESO
Núcleo capital municipal A Veiga.
Accesibilidade: peonil

DESCRICIÓN
A Lagoa  de Carrizais atopase próxima as Lagoas de O Celo e Laceira. Destaca a abundancia de rá ibérica (ou rá patilarga) que hai nesta lagoa, que se pode ver sobretodo dende novembro a marzo (periodo que coincide co ciclo reproductivo), ainda que en zonas máis baixas pódense ver durante todo o ano. A sua cor varía desde o pardo claro ou avermellado ata o pardo escuro, tamen podemos observar nesta rá unha mancha escura moi característica que vai dende o ollo ata o tímpano. Trátase dunha especie endémica da Península Ibérica, que vive nas ribeiras de ríos e lagoas de augas frías,  e que actualmente se atopa amenzada pola contaminación dos hábitats.

 Estes hábitats son escasos, e danse especialmente en zonas chuviosas do norte e en zonas montañosas como é o Macizo de Pena Trevinca. Nestes medios acuáticos pantanosos a matería orgánica  descompuxose máis lentamente, provocando unha alta presencia de humus nas augas que lles confire unha cor parda escura, así como unha grande acidez.  Debido a esta ácidez a vexetación é escasa, destacando a presencia dalgunhas especies de Utricularia, plantas non enraizdas que viven entre duas augas e que son capaces de suplementar a sua dieta capturando pequenos animais acuáticos
( trátase de plantas carnivoras) .

LOCALIZACIÓN E VÍAS DE COMUNICACIÓN
Cómo chegar:
Dende a Oficina de Turismo de A Veiga, diriximonos o núcleo de Xares (a 12 qm), accedendo a través do Coto Montes de Xares  e seguindo as indicacións da Ruta das Lagoas.


 

Lagoa de Carrizais

carrizais1.jpg	carrizais2.jpg	carrizais3.jpg